Torisme en occitan

Seteme
2017

Lo dossièr deu mes

Partatjar

Torisme en occitan

La batalha de las chifras

Quin saber exactament quantes toristas son vienguts en tau o tau país, tau region, tau vila ? La comptabilizacion qu’ei complicada.

La prumèra destinacion toristica de l’Union Europèa qu’ei las Islas Canarias, puish l’Isla de França e la Catalonha.

Descobritz en aquera video las chifras deu torisme en país d’òc.

Sorsa : © OCprod

"La lenga qu'ei mei anar mei cercada e emplegada dens las activitats toristicas"

Iniciativas existentas dens lo torisme a l'entorn de la lenga nosta

En 60 ans, lo nombre de toristas n'a pas deishat d'aumentar drin pertot dens lo monde.

França qu'ei uei lo dia la destinacion mei presada deus viatjadors dab ua progression de 4 % deu nombre de toristas en 2016.

A partir de l'arribada au poder deu Louis-Napoléon Bonaparte (Napoléon III) en 1848, que's notè ua aviada economica shens precedent miant a l'amelhorança de las condicions de vita deus Francés e a la mesa en valor deu territòri e mei que mei deus país occitans. Ad aquò, que s'ei ajustat la revolucion deus transpòrts, lo desvolopament de l'automobila, los congèts pagats, entà explicar lo desvolopament rapide deu torisme tà tots. En 1955, França qu'arcuelhó cap a 20 milions de visitaires internacionaus (uei qu'èm aus entorns de 82 milions).

Lo torisme qu'a desavantatges com l'impossibilitat de mestresar las influéncias exterioras, la risca de conflictes sociaus (cambiament de las abitudas de las vilas d'arcuelh) o enqüèra los domaus hèits au patrimòni naturau e culturau.


↬ Legir mei

Sorsa : La Setmana

Notre Dame de Lourdes

« A l'epòca, qu'èra la sola distraccion »

Sorsa : Radio País

Usatge de l'occitan dins l'economia toristica

Joan-Ive Agard, sociològ a la Kedge Business School (centre de recèrca « industrias creativas e cultura ») explica l'usatge e l'apòrt de l'occitan dins l'economia toristica, l'industria creativa, lo concèpte de « terri-telling » e las tres vias pel desvolopament d'una economia toristica : formacion dels actors del torisme, recors als productors locals e als creators..

Lexic e expressions… amb Lo Congrès

Vocabulari deu transpòrt toristic 1/2

airau de pica-nhaca : Airau de pausa agergat dab taulas, rostidera, comuns, caishas deu salopèr, etc.

cai : Plaça mei larga que longa situada au ras d'ua via de transit e a ua hautor convienenta, qui balha aisidèr aus viatjadors entà entrar e sortir d'un mejan de transpòrt, e de cargar e descargar las mercanderias.

caravana : Remòrca concebuda e agergada entà estar utilizada com ua abitacion.

passapòrt : Document hornit per l'administracion de l'estat o per organizacions internacionaus, qui certifica l'identitat d'ua persona e qui'u permet d'entrar e de circular dens un país determinats.

Hont : Lexic occitan deu transpòrt toristic
Mei de mots au tèrm'Òc
Illustracion : sv1ambo

BaTelÒc
Vocabulari deu transpòrt toristic 2/2

autoestòp, estòp : Mejan de viatjar qui consisteish a har s'estancar un veïcule dab un gèste, un panèu, etc. e hà's cossirar a gratis.

cabina : Crampa d'un batèu amenatjada en dromider

compartiment : Cadua de las divisions d'espaci d'un mejan de transpòrt, entà i lotjar separadament diferentas personas o objèctes.

estacion : Ensemble deus edificis e de las installacions situats sus un eish de comunicacion, destinats tau cargament e tau descargament de mercanderias e tà l'embarcament e tau desbarcament deus passatgèrs.

vagon-lhèit : Vagon condicionat dab compartiments on i a lheits o dromiders, o sietis de qui's pòden convertir.

Hont : Lexic occitan deu transpòrt toristic
Mei de mots au tèrm'Òc
Illustracion : Bieniecki Piotr

Femnas de tot atge
Expressions del viatge

Anar en campanha : Se mettre en opération, faire un court voyage

Anar tà las vrenhas d'Euza : Faire un petit voyage

Aver l'espartenha lèsta : Être toujours prêt(e) à partir

Aver los pès qui pruden : Avoir envie de voyager

Har córrer l'espartenha : Voyager

Non pas estar anat mei luenh que la garia : Ne pas avoir fait de grands voyages

Un viatge blanc : Un voyage inutile

Mai d'expressions dins l'express'Òc
Illustracion : Ein Dahmer

Passejada deu top'Òc
Visitatz Occitània

Saupriatz devinhar qualas son aquelas comunas ?

Arièja : es a l'encòp una estacion termala e una estacion d'esquí (responsa)

Gèrs : las relíquias de Sent Fris qu'atirèn hèra pelegrins dens la soa basilica (responsa)

Òlt : es conegut per son circ e per sa cascada de 30 mètres de naut. (responsa)

Lanas : dab las soas carrèras en damièr, qu'ei ua bastida hèra coneishuda (responsa)

Òlt-e-Garona : sa ciutat medievala domina son pòrt de 120 mètres (responsa)

Mai de devinalhas dins lo top'Òc

previous arrow
next arrow
Slider

Eslogans toristics

En Occitania, territòri de destinacions toristicas, l’occitan qu’ei pauc utilizat e qu’arriba que l’anglés vienga, còps que i a, préner la plaça deu francés. Non son pas nombrós los lòcs on l’occitan ei present dens l’activitat toristica, quitament si lo torisme ei ua activitat pro importanta en l’economia occitana.

Que i a totun quauques exemples qui trobaratz en aquera video.

Sorsa : © OCprod

Visita de Morlana

Lo castèth de Morlana, proprietat actuau deu Departament deus Pirenèus-Atlantics, qu'ei ua anciana hortalessa febusiana. Las roeinas deu castèth qu'estón crompadas dens las annadas 70 per Sénher Ritter qui a obrat pendent d'annadas entà'u tornar balhar lo son aire originau. ÒCtele qu'a encontrat sus plaça Yvonne Dutournier, prumèra guida e presidenta de l'Ofici de torisme tà ua visita guidada.

Sorsa : © OCprod

Torisme en òc dab l’InÒc Aquitània

BaTelÒc

Lo torisme en occitan, qu'ei possible ! L'InÒc Aquitània e d'autes organismes que vs'ac permeten. Lo parat de descobrir...

Femnas de tot atge

Lo torisme en occitan, qu'ei possible ! L'InÒc Aquitània e d'autes organismes que vs'ac permeten. Lo parat de descobrir...

previous arrow
next arrow
Slider

La cançon de Paraulas en Òc

Lo dromadari de La Sauza

La Sauza : Lo dromadariA Grussan, estacion balneària d'Aude, se pòdon logar de residéncias sonadas « dromadaris ». A inspirat una cançon a La Sauze dins la quala denóncia lo torisme que viu coma una mena de colonizacion.

Legir las paraulas

Sorsa : Paraulas en Òc

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

Lo CIRDÒCInoc AquitaineLo CongrèsLa SetmanaOCTeleOccitanica